--
انا عارف انك تعبان .. وقلبك شايل هموم الدنيا .. ودموعك كل يوم بتغرق عيونك وانت لوحدك .. وحاسس انك مالكش حد وغريب ف وسط الناس .. بس لو غمضت عينيك وفتحت عيون قلبك هتشوفني جنبك ف كل لحظه وكل وقت .. ساعة ما بتتعب انا اللي بشفيك .. وقبل ما تقع بسندك .. ف بطن الحوت مش بفارقك .. وف السجن بونسك .. محب ألزق من الأخ .. و أب بيحبك .. لو حتي كل الناس نسياك انا فاكرك .. لو نسيت الأم رضيعها انا مبنساش .. حاسس بيك وباللي فيك .. و داري بوجعك .. متخافش ..
بكل حروف الدنيا بقولهالك .. متخافش .. بعدد أيام السنه بقولهالك .. متخافش .. هعوضك وهفرحك وهطمنك .. وكل اللي جاي معايا فرحه وخير طول ايام حياتك .. كفايه دموع وتعب .. عند المساء يبيت البكاء وف الصباح ترنم .. افرح ومتشيلش هم لبكره .. سيب بكره عليا .. وانا أدها وادود .. انا جنبك ومعاك .. حلمك هيتحقق .. و حياتك هتكون احلي .. لكل شئ تحت السما وقت .. ووقت الفرحه قرب .. بوعدك .. انا الرب في وقته أسرع به
--

إرسال تعليق Blogger

 
Top